Do muss Frankforderisch druff uff die List

n scheene Abend zusamme

Endlisch emol en Artiggl uff heise der sisch umm die Kuldur kimmern
duud. Desdeweesche mei Fodderung: als erstes kimmt emol
Frankforderisch do uff die List druff, unn zwar ganz obbe.

Wann isch mer aaguck, was hier in Frankford (fer Minchner unn
annerre: die aanzisch eschde Weltsdadd, die wo in de Bee Ärr Dee
exisdiern duud) fer Leit rumrenne unn  was  die so von sisch gebbe,
da kammer nur noch midm kopp schüddele. alle so affekdierd unn
neureisch unn halde sisch fer die personifizierte indelligenz der
menschheit..... wann mer do uiff die Leit zugeht unn laud "Ei guude
wie" kreischt, zucke die zusamme wie beim Proktolooche.....

Unn von deene die wo ausm ausland komme, redd isch jetzt noch gar
ned. Neulisch hot misch so e hübsch Französin aagesproche, ob isch
wisse deed wo die Uni is. Ei die hab isch ja kaum verstanne mit ihrm
Akzent. Unn isch saach aach immer: wenn Französisch, dann ganz
prakdisch unn ned nur Dheorie.... *har har har*

No jo, des wolld isch emol zu der List da saache. Bin aach scho
widder weg.

Bis e anner Mal, nä.